പുത്തന്‍ ഉടുപ്പുകളണിഞ്ഞ് സ്കൂളിലെത്തിയ നവാഗതരെ സ്വീകരിച്ചത് ആകര്‍ഷകമാം വിധംഒരുക്കിയ സ്കൂളും പരിസരവും ആണ്. മധുരപലഹാരങ്ങള്‍ വിതരണം ചെയ്തും അക്ഷരകാര്‍ഡുകള്‍ കഴുത്തിലണിയിച്ചും മൂന്നിലെയും നാലിലെയും കുട്ടികള്‍ നവാഗതരെ സ്കൂളിലേക്ക് ആനയിച്ചു. കൃത്യം പത്ത് മണിക്ക് പ്രവേശനോത്സവഗാനത്തോടെ ചടങ്ങുകള്‍ക്ക് തുടക്കമായി. PTA പ്രസിഡന്റ് സജി E G S ന്റെ അധ്യക്ഷതയില്‍ ചേര്‍ന്ന യോഗത്തില്‍ ഈസ്റ്റ് എളേരി പഞ്ചായത്ത് വൈസ് പ്രസിഡന്റ് മേരിക്കുട്ടി ജെയിംസ് ദീപം തെളിയിച്ച് ചടങ്ങ് ഉദ്ഘാടനം ചെയ്തു. തുടര്‍ന്ന് നടന്ന അക്ഷരദീപം തെളിയിക്കലും അക്ഷരപുഷ്പാര്‍ച്ചനയും കുട്ടികള്‍ക്കും രക്ഷിതാക്കള്‍ക്കും പുതിയ അനുഭവമായി മാറി. റവ.ഫാദര്‍ ജോസഫ് കറുകമാലില്‍ അനുഗ്രഹപ്രഭാഷണം നടത്തി. മുന്‍ ഹെഡ്മാസ്റ്റര്‍ ജോയി മാസ്റ്റര്‍ കുട്ടികള്‍ക്കുള്ള സമ്മാനക്കിറ്റ് വിതരണം ചെയ്തു. മുന്‍ PTA പ്രസിഡന്റ് N V കുഞ്ഞിരാമന്‍ ആശംസയര്‍പ്പിച്ചു.ചടങ്ങിന് ഹെഡ്മി
സ്ട്രസ്സ് സുനന്ദ T M സ്വാഗതവും P ബിജു മാത്യു നന്ദിയും പറഞ്ഞു. സ്കൂളില്‍ ഒന്നാം ക്ലാസ്സിലേക്ക് 19 കുട്ടികളും 2,3,4 ക്ലാസ്സുകളിലേക്ക് 6 കുട്ടികളും പ്രീ പ്രൈമറി വിഭാഗത്തില്‍ 34 കുട്ടികളും പ്രവേശനം തേടി.
No comments:
Post a Comment